(3 votes, average: 3.33 out of 5)
Loading ...5,566 views
ye mojezaa bhii muhabbat kabhii dikhaaye mujhe
ke sang tujh pe gire aur zaKhm aaye mujhe
(mojezaa : miracle; sang : stone)
vo mehrbaaN hai to iqraar kyuuN nahiiN kartaa
vo badgumaaN hai to sau baar aazmaaye mujhe
maiN apne paaNv tale rauNdataa huuN saaye ko
badan meraa hii sahii do-pahar na bhaaye mujhe
maiN ghar se terii tamannaa pahan ke jab nikluuN
barahnaa shahar meN ko’ii nazar na aaye mujhe
(barahnaa : naked)
vo meraa dost hai saare jahaaN ko hai maaluum
daGhaa kare vo kisii se to sharm aaye mujhe
maiN apanii zaat meN niilaam ho rahaa huuN ‘Qateel’
Gham-e-hayaat se kah do Khariid laaye mujhe
Qateel Shifai
{ 3 comments… read them below or add one }
Bohat umda, kia baat hai jee
vo mehrbaaN hai to iqraar kyuuN nahiiN kartaa
vo badgumaaN hai to sau baar aazmaaye mujhe
so sweet,, kamal likha hy..
Masroor Malik uae dubai..00971508837863
mujhe adeem hashmi bohat achha lagta hay.unki mazeed shayari feed karein.