(7 votes, average: 4.71 out of 5)
Loading ...4,420 views
jii chaahtaa hai falak pe jaauuN
suuraj ko Ghuruub se bachaauuN
(falak : vault of heaven; Ghuruub : ebb)
bas meraa chale jo gardishoN par
din ko bhii na chaaNd ko bujhaauuN
(gardish : time)
maiN chhoR ke siidhe raastoN ko
bhaTkii hu’ii nekiyaaN kamaauuN
maiN shab ke musaafiroN kii Khaatir
mash’al na mile to ghar jalaauuN
ash’aar haiN mere istiyaare
aao tumheN aaiine dikhaauuN
(istiyaare : hope)
yuN baNt ke bikhar ke rah gayaa huuN
har shaKhs meN apnaa aks paauuN
aavaaz jo duuN kisii ke dar par
andar se bhii Khud nikal ke aauuN
ai chaaraa-giraan-e-asr-e-haazir
faulaad kaa dil kahaaN se laauuN
(chaaraa-giraan-e-asr-e-haazir : sympathizers of the time)
har zabr pe sabr kar rahaa huuN
is tarah kahiiN ujaR na jaauuN
ghar Duub rahe haiN tiirgii meN
qabroN pe magar diye jalaauuN
ronaa bhii tarz-e-guftuguu hai
aaNkheN jo rukeN to lab hilaauuN
Khud to “Nadeem” aazmaayaa
ab mar ke Khudaa ko aazmaauuN
Ahmed Nadeem Qasmi
{ 1 comment… read it below or add one }
Bari mushkil main hon aye teergi k khudda zameen nahin meri asman se tot gaya badal garjay bijli chamki barish main dhalla aur roo para hon aye behissi k ejaz chor chuka majazi se hisab subhain ayein hur subha neend se jaga aur sou gaya chor na daman mera aye insaan e hafiz jabar karta ha aur jabar kiyey jata ha.