(10 votes, average: 4.20 out of 5)
Loading ...5,720 views
har ko’ii dil kii hathelii pe hai sehraa rakhe
kis ko sairaab kare vo, kise pyaasa rakhe
(sairaab : satisfy)
umr bhar kaun nibhaataa hai talluq itnaa
ai merii jaan ke dushman tujhe Allah rakhe
mujhko acchaa nahiiN lagtaa ko’ii hamnaam teraa
ko’ii tujhsaa ho to phir naam bhii tujhsaa rakhe
dil bhii paagal hai ke us shaKhs se vaabastaa hai
jo kisii aur kaa hone de na apnaa rakhe
(vaabastaa : attached)
Ahmed Faraz
{ 8 comments… read them below or add one }
nice …esp the first misra…”har koi dil …pyasa rakhe”.Is Ramazan mere yhi dua hain ki Allah sabko sairab karde, kisi ko bhi pyasa na rakhe..Aameen. “RAMADAN MUBARAK”
Excellent no one can touch Faraz.
May Allah rest him eternal peace
Koi tuj sa ho to phir naam b tj sa rakhy,
wah! Best of best
Ahmad Faraz sahib ki baat hi kuch aur hai.
umr bhar kaun nibhaataa hai talluq itnaa
ai merii jaan ke dushman tujhe Allah rakhe
vaah bahut khoob.
great work by Aligarians. Please accept My thanks for creating this tasteful and beautiful site.
mujhko acha nahi lagtha koi humnaam tera….
koi thujsa ho tho phir naam bhi thujsa rakay..
zbrdast amazing poet i love faraz’s poetry
Aik ghalti hai pehle shair k dusre misray me:
“kisko sehraa ab kare vo kise pyaasaa rakhe”
isme “sehraa ab” nahi “sairaab” ka lafz hai yani ke
“kisko sairaab ab kare vo kise pyaasaa rakhe”
Anonymous:
Thanks so much! Fixed.
kyaa Khoob ghazal hai!
post karne ka bohat shukriya,
arz hai k matle ke duusre misre meN lafz “ab” nahiiN hona chaahiye. Video men dekheN to misra yuuN hai:
“kis ko sairaab kare vo kise pyaasa rakhe”
Mohib Saahab, web site bohat achhi hai. hamaari mubaarakbaad aur shukriya qubool kareN.