merii judaaiiyoN se vo milkar nahiiN gayaa
(No Ratings Yet)
Loading ...merii judaaiiyoN se vo milkar nahiiN gayaa
uske baGhair maiN bhii ko’ii mar nahiiN gayaa
duniyaa meN ghuum-phir ke bhii aise lagaa mujhe
jaise maiN apnii zaat se baahar nahiiN gayaa
kyaa Khuub haiN hamaarii taraqqii-pasandiyaaN
ziine banaa liye ko’ii upar nahiiN gayaa
(taraqqii-pasandiyaaN : progressive thoughts; ziine : stairs)
jugraaphiye ne kaaT diye raaste mere
taariiKh ko gilaa hai ke maiN ghar nahiiN gayaa
aisii ko’ii ajiib imaarat thii zindagii
baahar se jhaaNktaa rahaa andar nahiiN gayaa
sab apne hii badan pe “Muzaffar” sajaa liye
vaapas kisii taraf ko’ii patthar nahiiN gayaa
Muzaffar Warsi
To receive free updates on new Ghazal, Nazm and Mushaira postings, please visit subscribe for options.
