nayii Khvaahish rachaaii jaa rahii hai
(3 votes, average: 4 out of 5)
Loading ...nayii Khvaahish rachaa’ii jaa rahii hai
terii furqat manaa’ii jaa rahii hai
(furqat : separation)
nibha’ii thii na humne jaane kis se
ke ab sab se nibha’ii jaa rahii hai
ye hai taamiir-e-duniyaa kaa zamaanaa
havelii dil kii Dhaa’ii jaa rahii hai
(taamiir : to build)
kahaN lazzat vo soz-e-justujuu kii
yahaaN har chiiz paa’ii jaa rahii hai
(soz-e-justujuu : pain of longing)
sun ae suuraj, judaa’ii mausamoN ke (?)
meri kyaarii jalaa’ii jaa rahii hai
bahut bad-haal haiN bastii tere log
to phir tuu kyuuN sajaa’ii jaa rahii hai
Khusha ehvaal (?) apnii zindagii kaa
saleeqe se ganva’ii jaa rahii hai
Jaun Elia
Courtesy: Irfan Sattar
To receive free updates on new Ghazal, Nazm and Mushaira postings, please visit subscribe for options.
Nice..!!
[...] Fri 25 May 2007 Bas Yun Hi Posted by chandni under Here and There , Time Pass [Via Aligarians] [...]
Nice!
bht achhi ghazal share ki hai aap ne. wah wah. jis shair ke baare mein aap sure nahin hain woh shair yun hai
judaai mausamon ki, dhoop suniyo
meri kyaari jalaai jaa rahi hai
waise yeh aik doghazla hai is ki doosre hisse mein bht achhay achhay shair hain
jaise:
teri qeemat ghaTaai ja rahi hai
mujhe furqat sikhaai ja rahi hai
bohot si sooraten manzar mein laa kar
tamanna aazmaai ja rahi hai
mujhe ab hosh aata ja raha hai
khuda teri khudai ja rahi hai
dareechon se tha apnay bair humko
so khud deemak lagaai ja rahi hai
Jaun was an amazing poet in his own style. with a mass for knowledge, more than it can be found in one person. and that became his problem:
in kitaabon ne baRa zulm kiya hai mujh par
in mein ik ramz hai jis ramz ka maara hua zehen
muzhda-e-ishrat-e-anjaam nahin paa sakta
zindagi mein kabhi aaraam nahin paa sakta