(17 votes, average: 4.41 out of 5)
Loading ...8,561 views
silsile toR gayaa vo sabhii jaate jaate
varnaa itne to maraasim the ke aate jaate(maraasim : relationship)
shikvaa-e-zulmat-e-shab se to kahiiN behtar thaa
apne hisse kii ko’ii shammaa jalaate jaate
(shikvaa-e-zulmat-e-shab : lamenting about the darkness of the night)
kitnaa aasaaN tha tere hijr meN marna jaanaaN
phir bhi ik umar lagi jaan se jaate jaate
jashn-e-maqtal hi na barpa hu’aa varnaa ham bhii
paa-bajolaaN hii sahii naachte gaate jaate
(jashn-e-maqtal : celebration at gallows; paa-bajolaaN : chained)
uskii vo jaane usse paas-e-vafaa thaa ke na thaa
tum “Faraz” apnii taraf se to nibhaate jaate
Ahmed Faraz
{ 9 comments… read them below or add one }
very enjoyable
very enjoyable. lutf aa gaya
ahmed faraz was great poet of urdu,i m his loving fain may ALLAH keep him in the heaven,(aameen),,,and by the way i enjoyed this site,,,,,,thankyou
i’m fond of Faraz’s shayri.
teraiy jaiy put jamman manwan kidraiy kidraiy koi
its nice instead of all poetry.
us kai ijaz e hunar ka yeh taqaza tehra
hum bhi dil khol kai daday sukhan detay jatay .
kamal hai gggggggggggg
Is par yeh kahunga ke
Di na mohlat gham-e-hasti ne wafa ki warna,
Aur kuch din gham-e-hasti se nibaahe jaate!