subh kii aaj jo rangat hai vo pahle to na thii
(4 votes, average: 4 out of 5)
Loading ...subh kii aaj jo rangat hai vo pahle to na thii
kyaa Khabar aaj KhiraamaaN sar-e-gulzaar hai kaun
(KhiraamaaN : moving gracefully; sar-e-gulzaar : at the garden of roses)
shaam gulzaar hu’ii jaatii hai dekho to sahii
ye jo niklaa hai liye mash’al-e-ruKhsaar, hai kaun
(mash’al-e-ruKhsaar : illuminated face)
raat mahkii hu’ii aayii hai kahiiN se puucho
aaj bikraaye hu’e zulf-e-tarahdaar hai kaun
phir dar-e-dil pe dene lagaa hai ko’ii dastak
jaane phir dil-e-vahshii kaa talabgaar hai kaun
(dil-e-vahshii : wild heart)
Faiz Ahmed Faiz
July 1953
Jinnah Hospital, Karachi
To receive free updates on new Ghazal, Nazm and Mushaira postings, please visit subscribe for options.
subh kii aaj jo rangat hai vo pahle to na thii
kyaa Khabar aaj KhiraamaaN sar-e-gulzaar hai kaun
Faiz Sb ki ye yaadgaar nazm, bohat hi khoobsoorat hai Is nazm ki yaad taza kernay ka be had shukriya.
Even though there is no matlaa in this one, it still seems like a Ghazal. The book I copied it from did not give any title as is usually the case with Nazms. Someone please clarify.
Thanks!