vo nahiiN hai to us kii aas rahe
(3 votes, average: 4.33 out of 5)
Loading ...vo nahiiN hai to us kii aas rahe
aik jaaye to aik paas rahe
jab bhii kasne lagaa, utaar diyaa
is badan par ka’ii libaas rahe
(libaas : dress, clothes)
aik din maiN agar lahuu pii luuN
ka’ii din bartanoN meN baas rahe
(bartan : vessel)
donoN ek duusre kaa muuNh dekheN
aaiinaa, aaiine ke paas rahe
aaj ham sab ke saath Khuub haNse
aur phir der tak udaas rahe
Bashir Badr
To receive free updates on new Ghazal, Nazm and Mushaira postings, please visit subscribe for options.
