maskan-e-maah-o-saal chhoR gayaa
dil ko us kaa Khayaal chhoR gayaa
(maskan : abode; maah-o-saal : months and years)
taazah-dam jism-o-jaaN the furqat meN
vasl us kaa nidhaal chhoR gayaa
(taazah-dam : fresh; jism-o-jaaN : body and soul; furqat : separation; vasl : meeting; nidhaal : exhausted)
ahd-e-maazii jo thaa ajab purhaal
aik viiraan haal chhoR gayaa
(ahd-e-maazii : time of past; purhaal : eventful)
zaala-baarii ke marhaloN kaa safar
qaafile, paayemaal chhoR gayaa
(zaala-baarii : hailstorm; marhale : stages; paayemaal : devastated)
dil ko ab ye bhii yaad ho ke na ho
kaun thaa , kyaa malaal chhoR gayaa
maiN bhii ab Khud se huuN javaab-talab
vo mujhe be-savaal chhoR gayaa
Jaun Elia
{ 27 comments… read them below or add one }
Hey good to see blog back in action!
meaning of nidhaal: exhausted
meaning of zaala-baarii: hailstorm
Farrukh:
Thank you!
jaun elia itni dra deny wali verses q lkhty??
maumly k sangeeny bht zaida dikhaye dete inn k poetry parh kr:)
bt its different n good..
happy to c mail 4rm aligarianz back.
subhan allah
jaun elia ka andaaz sab se hi alag hai… kabhi kabhi bht saadgi se bt ba’maani baat kr jtay hin… jese… “Bht nazdeek aat ja rahi ho…. Bichadny ka irada kr liya kiya?”
EXCELENT WEB SITE,PI KEEP IT UP. CEHA HAY ESY KHOON SAY HUM TASHNA LABO NAY, TAB JA KEY ES ANDAZ KA MEHKHANA BANA HAY.
ZIA ZAIDI.UK.
rah men bam pe deewar men dar pe yaden.
sham hote hi bikhar jati hen ghar men yaden.
sukhi shakhon se tapakte hen fasane ab bhi.
rakh gaya tha koi darwesh shajar men yaden.
rah ki gard bhi khanjar ke qabile ki he kya.
chen lene nahi deti hen safar men yaden.
WAFA NAQVI ALIGAHR U.P.INDIA.
Very nice,
I love, its full of urdu poetry contents and , awesome simply
Very nice keep it up
sahebo aaj main na hans paya hun
badal ke humaine tareeqa khat o kitabat ka,
chhupa liya hai zamane se raaz ulfat ka.
purana zakhm naya ho gaya to kya hoga,
ne fhekho teer hamri taraf ko nafrat ka.
kabhi to aoo humare gareebkhane par,
haumiane bhi deejiye mouka janab kidhmat ka.
bahot sambhaal ke rakhna isse hifazat se,
khilona tut na jaye meri mohabbat ka. (Arif Shahbadi)
Jo taiz ro the thi pairon main jin ke jan buhat
Woh log odh ke soye hain ab thakan buhat
na jane shor utha kar kahan se lai hai
Hawa ne aaj dukhaye hain maire kan buhat
yeh zindagi bhi ajab rah ki musafir hai
kahin chadhan buhat hai kahin dhalan buhat
Zamin uthe gi nahin aasman jhukega nahin
Ana parast hain donon ke khandan buhat
Kisi ka dard sunu ga to toot jaunga
Maire liye hai faqat mairi dastan buhat
Gharon main qaid kahin ikhtilaf hote hain
Makeen ho ke bhi rahte hain bemakan buhat
SYED BASEERUL HASAN WAFA NAQVI
ALIGARH
09219782014
Yadon se mahakti hui is rat main kya hai
Yeh raz khula aaj ke jazbat main kya hai
Yun ghor se hathon ki lakeeren na padha kar
bigden ge sanwar jayen ge halat main kya hai
pahle to darakhton se nikalti thin karahen
isbar zara daikhiye barsat main kya hai
yeh kah ke parindon ne bhari aaj udanen
shahron ki taraf chalte hain daihat main kya hai
khichte hi chale aate hain dil shahr e hawas main
jadu tri aankhon main tri bat main kya hai
WAFA NAQVI ALIGARH
U.P.INDIA.
Woh mairi taraf shoq se badhta bhi nahin tha
lagta tha magar mujhse woh rootha bhi nahin tha
Maloom nahin kyun mujhe aata tha paseena
Halan ke mra dhoop se rishta bhi nahin tha
Har bar bachane main mujhe doob gaya woh
maine to kabhi usko pukara bhi nahin tha
Darya ne hi toofan main badhai mri himmat
mojon ke siwa koi dilasa bhi nahin tha
kal rat main kuch aise safar ka raha rahi
rukna bhi nahin tha mujhe chalna bhi nahin tha
phir bhi tre raste se ulajhti rahi aankhen
yeh mujhko khabar thi tujhe aana bhi nahin tha
kyun khof tha uske mujhe kho jane ka har pal
maine kabhi jis cheez ko paya bhi nahin tha
Kuch log khafa se bhi nazar aate hain mujhko
lafzon ka mre koi nishana bhi nahin tha
Kyun tere bichadne ka buhat sadma hua hai
maine to tujhe toot ke chaha bhi nahin tha
Aye shairi seekha hai tujhe umr gawan kar
Yun hi to saleeqa tra aana bhi nahin tha
Buhat khafa ho magar mujh pai jan nisar kare
yeh aarzu hai k woh toot kar hi pya kare
main apne aap ko khud hi bujha ke lotun ga
Zara hawa se kaho maira intizar kare
Kahin yeh sada mizaji zarar na pohchaye
kisi pai had se zyada na Aitbar kare
koi gulab kahe usko kya qayamat hai
woh rang sub se alag apna ikhtiyar kare
main ab fareb ke sooraj ki dhup main khush hun
Tumhari yad ki thandak na baiqarar kare
Sawal ho to faqat bargah main tairi
maire khuda na mujhe koi sharmsar kare
maira wajud ho aansu to aankh main rakkhe
mujhe banaye samadar to baikanar kare
adu ki bazm ko phoolon se tolne wala
mairi hayat main aakar bhi kuch bahar kare
yeh dor e Ishq nahin hai main dair se samjha
Wafa kisi ke liye kon dil figar kare
WAFA NAQVI ALIGARH
Ab use kon bataye ke muhabbat kya hai
Toot kar chahe koi hum ko Zaroorat kya hai
main to mitti bhi na dun is ke awaz main khud ko
taire nazdeek maire pyar ki qeemat kya hai
ab yun hi koi bura hum ko to kahne se raha
doosara rukh hai muhabbat ka hi nafrat kya hai
yun hi patthar ko koi shakhs kahan chahe ga
mujh ko batlao to kuch bais e Ulfat kya hai
Aansuon ke misl apne lafz bah sakte nahin
woh hamaisha khush rahe kuch aor kah sakte nahi
apni qurbat ki hamain bhi dhoop kar dijey ata
Dard ki deewar ke saye main rah sakte nahin
muzmahil apni tabiyat shoq se rakkhen ge hum
bat choti hi sahi par un se kah sakte nahin
Musalsal dil pai ik patthar rakha hai
Koi apna hai jo rootha hua hai
Abhi to muddaton aansu bahen ge
tumhara zakhm yeh dil par naya hai
Har ik lamha barabar ik sadi ke
Zamana tujh se bichde hogaya hai
Lage gi aag ab sare shar main
abhi to ghar hamara hi jala hai
Wafa Naqvi.
Doshiza
…………………………………
Udas Sham hai
Murjha raha hai Suraj bhi
Gulab surkhi e Gham se Ulajh ke Sote hain
Sitare aane hi wale hain Chashm e Tar laikar
Ufaq ke par koi
Dil faraib doshiza
khayalo khwab ke Shishe Samaintne ke liye
Lahu luhan kiye Ja rahi hai Hathon ko.
tooo good. em a big reader of Urdu Shayari
Rishta na toot jaye khala ke makan se
Sooraj ka bojh uthta nahin aasman se
Tum ho naye parinde tumhen tajruba hai kam
So bar soch laina yeh pahle Udan se
Wafa Naqvi Aligarh
Chahaton ke mosam bhi kis qadar anokhe the
Woh hi Zinda rakhta tha jis pai log marte the
Chuliya tha jab toone Zindagi ke sahra main
Pyas ki hatheli par barf ban ke pighle the
Phir sukun ki wadi main kyun bikhar gaye dono
dard ki ghufaon main aas pas rahte the
Pyas ke dareechon se jhankta tha ik darya
Hum udas sahil ke sath sath bahte the
WAFA NAQVI ALIGARH
Hubahu too jo mre khwab ka paikar nikla
Mairi mutthi main mra khud hi muqaddar nikla
Uski lahron ne mre dasht ujade kitne
Main jise qatra samajhta tha samandar nikla
Baddua kis ki lagi thi yeh Khuda hi jane
Maine jis phool ko toda wahi patthar nikla
Log baikar bazid the ke tarashen mujhko
Maire andar hi mri Zat ka Aazar nikla
Aik khushboo si utarti hai badan main maire
Kaisa jhonka tha mujhe aaj jo chukar nikla
Taire honton pai hamaisha rahe kanton ke hujoom
Taire lahje main hamaisha koi Nashtar nikla
Rabt rakkha hi nahin usne kabhi dunya se
Dil hamara bhi zamane main qalandar nikla
Isko halqe main liye kyun hain sitare paiham
Kis liye aaj yeh mahtab bhi saj kar nikla
Log peete hain gilason main ujalon ki sharab
Aj ka din bhi shab e tar ka ham sar nikla
Maine naize pai khudhi sar ko chadhaya apne
khud maire hath main maire liye khanjar nikla
Khud ko khone na diya bheed main dunya ki kabhi
Ghar se tanhaiyan laikar hi main bahar nikla
Khwab
……………………..
Log kahte hain
ke
main buht khamosh rahta hun
kabhi kisi se guftugu karta hi nahin
Shayad main apni
ana ke hisar main gum hun
laikin
aisa bilkul nahin
main bolta bhi hun
bat bhi karta hun
Magar
sirf or sirf apne khwabon se
Jo aik muddat se
mairi palkon se motiyon ki shakl main
Uljhe huye hain
main har subha
inhen
palkon se jhatak daita hun
inko hamaisha hamaisha ke liye khak main
chupa daita hun
Mot ki neend sula daita hun
magar
har rat jab siyahi ka nag
maire kamre ki roshni ko das laita hai
na jane yeh khwab
kahan se
phir se zinda ho jate hain
or mairi aankhon main ghar karlaite hain
phir dheere dheere dil main utar jate hain
or wahan ghar tameer kar laite hain
main kya karun kab tak khamosh rahun
kyun na logon se bataun ke mujhe
Bolna bhi aata hai
baten karna bhi aati hain
magar sirf apne khwabon se
jo har subha mairi palkon par jagmagate hain.
kis ne sahra main ugaya hai shajar barish ka
Zarre zarre main simat aaya hai ghar barish ka
pattharon ke bhi makan aaj hain sahmey sahmey
kachche ghar ko hi nahin hota hai dar barish ka
bheeg jate hain sabhi shahr ke rahne wale
kyun nahin hota hai mujh par hi asar barish ka
yeh parindon se kaho ghar se na aayen bahar
aur chalna hai zara dair safar barish ka
jism main apne ubalta hua darya daikhun
nam bhi lai lun main bhoole se agar barish ka
pyas bhadkai hai sahraoun ki is ne aksar
Khoob daikha hai zamane ne hunar barish ka
aao sooraj ko utha layen saron par apne
Rang bigda hua aata hai nazar barish ka
yun hi kab khilte hain pathreeli zameenon main gulab
Sarf hota hai wafa khoon e jigar barish ka
(Wafa Naqvi Aligarh)
Kitab-e-Takdeer sy kiya shikwa ay dil-e-nadan….
K jab Qismat hi apnay paas na ho to phir Khawaishain kaisi….
this site is very nice
i like it vvery much
thanks