Aligarians.com

baaziichaa-e-atfaal hai duniyaa mere aage
hotaa hai shab-o-roz tamaashaa mere aage

(baaziichaa-e-atfaal : child’s playground)

ik khel hai aurang-e-sulemaaN mere nazdiik
ik baat hai ijaaz-e-masiihaa mere aage

(aurang-e-SulemaaN : throne of King Solomon; ijaaz : miracle; masiihaa : Messiah, here meaning Jesus)

juz naam nahiiN suurat-e-aalam mujhe manzuur
juz vahm nahiiN hastii-e-ashyaa mere aage

(juz : other than; aalam : world; ashyaa : things)

hotaa hai nihaaN gard meN sehraa mere hote
ghistaa hai jabiiN Khaak pe dariyaa mere aage

aah ko chaahiye ik umr asar hone tak
kaun jiitaa hai terii zulf ke sar hone tak

(aah : sigh; zulf : tresses)

daam har mauj meN hai halqaa-e-sad-kaam-e-nahang
dekheN kyaa guzre hai qatre pe guhar hone tak

(daam : trap; mauj : wave; halqaa : ring; sad : hundred; nahang : crocodile; guhar : pearl)

aashiquii sabr-talab aur tamannaa betaab
dil kaa kyaa rang karuuN Khuun-e-jigar hone tak

(sabr-talab : requiring patience)

ye mojezaa bhii muhabbat kabhii dikhaaye mujhe
ke sang tujh pe gire aur zaKhm aaye mujhe

(mojezaa : miracle; sang : stone)

vo mehrbaaN hai to iqraar kyuuN nahiiN kartaa
vo badgumaaN hai to sau baar aazmaaye mujhe

maiN apne paaNv tale rauNdataa huuN saaye ko
badan meraa hii sahii do-pahar na bhaaye mujhe

maiN ghar se terii tamannaa pahan ke jab nikluuN
barahnaa shahar meN ko’ii nazar na aaye mujhe